کراچی …… ثانوی تعلیمی بورڈ کراچی نے السنہ شرقیہ کے سالانہ امتحانات سال 2019 کے نتائج کا اعلان کر دیا ہے۔ میٹرک بورڈ کے چیئرمین پروفیسر ڈاکٹر سعید الدین نے بتایا کہ السنہ شرقیہ کے سالانہ امتحانات میں کل 1901 طلبا ء و طالبات نے رجسٹریشن کرائی، 1783 امتحانات میں شریک ہوئے، 1261 امیدوار کامیاب قرار پائے جبکہ 118 امیدوار غیر حاضر رہے۔ نتائج میں کامیابی کا تناسب 70.72 فیصد رہا۔ انہوں نے کہا کہ تمام طلباء وطالبات اپنی مارک شیٹ پیر10 فروری سے بورڈ آفس کے کمرہ نمبر 15 دوسری منزل بلاک Aسے صبح 10 بجے سے شام 4 بجے تک حاصل کر سکتے ہیں۔