بیت السلام ایجوکیشنل کمپلیکس کے طالب علم محمد یمان نے کیمبرج او لیول کے مئی اور جون 2026ء کے امتحانات میں شاندار کارکردگی کا مظاہرہ کرتے ہوئے او لیول میتھمیٹکس (نصابی کوڈ 4024) میں 200 میں سے پورے 200 نمبر حاصل کر کے پاکستان کا نام روشن کردیا۔
اس غیر معمولی نتیجے پر محمد یمان کیمبرج کے باوقار اعزاز ’ٹاپ اِن دی ورلڈ‘ کے اہل قرار پاتے ہیں، جس کا باضابطہ اعلان کیمبرج کی جانب سے متوقع ہے۔
اس کے علاوہ ادارے کے مزید 13 طلبہ نے ریاضی میں 200 میں سے 190 سے زائد نمبر حاصل کیے، جبکہ مجموعی طور پر 90 فیصد طلبہ نے اے یا اے اسٹار گریڈ حاصل کر کے شاندار کامیابی قائم کی۔