سعودی عرب: عمرہ پر جانے کے خواہشمند افراد کے لیے اہم خبر

حج و عمرہ کے وزیر کی جانب سے آئندہ مرحلے میں عمرہ و زیارت کے مرحلہ وار بحالی کی تفصیلات جاری کردی گئیں۔

سعودی وزیر حج و عمرہ محمد صالح بن طاہر کے مطابق عمرہ کی مرحلہ وار بحالی جلد شروع کی جائے گی جس کے لیے لائحہ عمل بھی طے کرلیا گیا ہے۔

العربیہ کے مطابق وزارت حج وعمرہ نے کہا ہے کہ 'حفظان صحت کے ضوابط کی پابندی کو مد نظر رکھتے ہوئے سفر کی بحالی کے پروگرام کو حتمی شکل دے دی گئی ہے اور جلد عمرہ سروس کا آغاز ہوجائے گا'۔

محمد صالح کے مطابق 'آئندہ مرحلے میں عمرہ کے سلسلسلے میں جدید ٹیکنالوجی استعمال کی جائے گی، تاکہ عمرہ کمپنیاں اور ادارے اندرون اور بیرون ملک عمرہ پیکیج جدید طرز میں متعارف کروا سکیں'۔

انہوں نے بتایا کہ 'وزارت کی جانب سے ایک ایپ جاری کی جائے گی، عمرہ زائرین اس کے ذریعے اپنی آسانی کو پیش نظر رکھتے ہوئےعمرہ ادا کرنے کی تاریخ اور وقت کا تعین سکیں گے'۔

وزارتِ حج کے مطابق 'عمرہ پروگرام کے سلسلے میں 30 سے زائد سعودی اور بین الاقوامی کمپنیوں کو کام کا موقع فراہم کیا جائے گا۔ عمرہ کمپنیاں آن لائن اپنی خدمات پیش کریں گی اور عمرے پر آنے والوں سے رابطہ کریں گی، پہلی تبدیلی مسجد نبوی کے زائرین کے حوالے سے کی جائے گی'۔

محمد صالح نے بتایا ہے کہ 'عمرہ کمپنیاں اندرون ملک سے عمرہ کرنے والے غیر ملکیوں، جی سی سی ممالک، سعودیوں اور دنیا بھر کے عمرہ زائرین کو خدمات فراہم کریں گی'۔


WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

2390