آذربائیجان میں پاکستانی جھنڈوں کی مانگ میں تیزی سے اِضافہ کیوں؟

آرمینیا اور آذربائیجان میں متنازع علاقے نگورنو کاراباخ پر جاری جنگ کے سلسلے میں پاکستان نے آذربائیجان کی حمایت کر کے آذری قوم کے لوگوں کے دل جیت لئے، ساتھ ہی یہ خوشخبری بھی سامنے آئی ہے کہ آذربائیجان میں پاکستانی پرچم کی مانگ میں اِضافہ ہوگیا ہے۔

27 ستمبر سے جاری جھڑپوں میں دونوں جانب سینکڑوں لوگ ہلاک ہوچکے ہیں اور ہزاروں افراد نقل مکانی پر مجبور ہوگئے ہیں، نگورنو کاراباخ میں جنگ بندی کے باوجود حملوں کا سلسلہ جاری ہے، آذربائیجان اور آرمینیا نے ایک دوسرے پر تازہ حملوں کا الزام بھی لگایا ہے۔

پاکستان اور ترکی نے آرمینیا سے جنگ کے معاملے پر آذربائیجان کی پہلے دن سے حمایت کر رکھی ہے، وزیراعظم عمران خان نے بھی آذربائیجان کے یومِ آزادی کے موقع پر آذربائیجان کے صدر اور عوام کو مبارک باد دی اور آذربائیجان کی حمایت کا اعادہ کیا۔

آذربائیجان میں پاکستانی جھنڈوں کی طلب کی خوشخبری پاکستان میں تعینات آذری سفیر علی علیزادہ نے دی ہے۔

اس سلسلے میں آذری سفیر کی ٹوئٹ بھی سامنے آئی جس میں انہوں نے لکھا کہ آذربائیجان میں لوگ ترکی اور پاکستان سے بے حد محبت کرتے ہیں اور اسی وجہ سے پاکستانی پرچموں کی طلب میں اِضافہ ہوا ہے۔


WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

1488