شادی کے بعد نوبیاہتا جوڑے کی دعوتوں کا سلسلہ ایک عام رواج ہے چاہے خاندان میں ہوں یا دوستوں میں مگر دعوتیں اور تحفے تحائف کا یہ حسین سلسلہ چلتا رہتا ہے جس کی وجہ یہ ہے کہ سب عزیز و اقارب نئے جوڑے کو اپنی محبت و دعائیں یوں کھانے پر بُلا کر دیتے ہیں۔ اس کی ایک وجہ یہ بھی ہے کہ شادی کی تقریبات میں دلہن اور دولہا سے اچھی طرح مل جُل کر بیٹھ کر باتیں نہیں کر پاتے تو ان کو دعوت پر بلا لیتے ہیں۔
حال ہی میں پاکستانی اداکارہ نادیہ خان کی شادی کیپٹن فیصل ممتاز راؤ کے ساتھ ہوئی تھی جس کے بعد اداکارہ جویریہ سعود نے نادیہ کو ان کے شوہر کے ہمراہ شادی کی دعوت پر اپنے گھر ڈنر پر مدعو کیا۔ جویری سعود نے گزشتہ روز نے اپنے انسٹاگرام اکاؤنٹ پر ایک پوسٹ شیئر کی جس میں کیپشن میں لکھا کہ:
'' نئے شادی شدہ جوڑے کے ساتھ میرے گھر پر ڈنر کی ایک اچھی تقریب۔'' تصویر میں دیکھا جاسکتا ہے کہ اداکارہ جویریہ اپنے شوہر سعود، نادیہ خان اپنے شوہر فیصل اور دیگر ٹی وی اداکار ایک ساتھ ہیں اور سب ہی بہت خوش ہیں۔