صرف کرکٹ ہی نہیں ہر چیلنج پورا کر دِکھاتے ہیں، حسن علی نے کرس گیل کا گُگلی ڈانس چیلنج پورا کر لیا۔
جہاں ہر طرف پی ایس ایل کی دھوم ہے وہیں سوشل میڈیا پر کرکٹرز کی ویڈیوز نے بھی مداحوں کا دل جیت لیا ہے، پاکستان سپر لیگ کے چھٹے سیزن میں کوئٹہ گلیڈی ایٹرز کے کھلاڑی کرس گیل کے متعارف کردہ ’گگلی چیلنج‘ نے کھلاڑیوں کو اپنے سحر میں جکڑ لیا ہے۔
کرس گیل کا گگلی چیلنج قبول کرتے ہوئے اسلام آباد یونائیٹڈ کے کھلاڑی حسن علی نے بھی گگلی ڈانس کی ویڈیو بنا ڈالی جو سوشل میڈیا پر بھرپور وائرل ہو رہی ہے۔
پی ایس ایل کے ٹوئٹر اکاؤنٹ پر اسلام آباد یونائیٹڈ کے کھلاڑی حسن علی کی ویڈیو شیئر کی گئی ہے جس میں حسن علی کو گگلی چیلنج پر ڈانس کرتے ہوئے دیکھا جا سکتا ہے۔
یہی نہیں بلکہ پی ایس ایل کے سوشل میڈیا اکاؤنٹ کے ذریعے شائقین کو ہیش ٹیک ''گگلی چیلنج'' پر اپنی ویڈیو شیئر کرنے کی پیشکش کی گئی ہے۔
یاد رہے کہ پی ایس ایل کے چھٹے سیزن میں کوئٹہ گلیڈی ایٹرز کے غیر ملکی کھلاڑی کرس گیل نے گگلی چیلنج متعارف کروایا تھا جس کی ویڈیو ٹوئٹر پر پی ایس ایل کے آفیشل اکاؤنٹ پر شیئر کی گئی تھی اور لوگوں کو ان کا یہ انداز بے حد پسند آیا تھا۔