ناسا کے ہیلی کاپٹر کی مریخ پر کامیاب پرواز

 امریکی خلائی ادارے ناسا کے ایک چھوٹے ہیلی کاپٹر نے پیر کی صبح مریخ پر پہلی کامیاب پرواز کی ہے۔

فرانسیسی خبر رساں ادارے (اے ایف پی) کی رپورٹ کے مطابق جب ہیلی کاپٹر نے اڑان بھری تو ناسا کے ایک انجینئر نے خوشی سے کہا کہ ’یہ ہمارے لیے ویسا ہی لمحہ ہے جیسا رائٹ برادرز کیلئے تھا۔‘

رپورٹ کے مطابق پیر کی صبح تقریباً 3 بج کر 34 منٹ پر 4 پاؤنڈ کا روٹر کرافٹ چھوڑا گیا، جس نے مریخ کی سطح سے 10 فٹ اوپر پرواز کی اور 39.1 سیکنڈ کے بعد واپس آگیا، اس پرواز کے ذریعے ڈیٹا اور تصاویر 173 ملین میل (278 ملین کلومیٹرز) کے فاصلے سے زمین پر ناسا کو بھیجی گئیں جن کو مختلف انٹیناز اور آلات کی مدد سے 3 گھنٹے بعد کامیابی کے ساتھ وصول کرلیا گیا۔

غیر ملکی میڈیا کی رپورٹس کے مطابق انجینیئرز کیلیفورنیا کی لیبارٹری میں بیٹھ کر اسکرینز پر نظریں جمائے ہوئے تھے جہاں تقریباً 6 سال سے اس منصوبے پر کام جاری تھا، ہال میں اس وقت خوشی کی لہر دوڑ گئی جب انجینئر نے چیک لسٹ دیکھتے ہوئے بتایا کہ پرواز کامیابی کے ساتھ مکمل ہوگئی ہے۔

رپورٹ کے مطابق انجینویٹی (ہیلی کاپٹر) نے فوراً ہی ایک بلیک اینڈ وائٹ تصویر بھیجی جو اس کے نچلے حصے میں لگے کیمرے سے کھینچی گئی تھی جس میں اس کا سایہ مریخ کی سطح پر کسی کیڑے کی طرح نظر آرہا ہے، جس کے بعد ایک رنگین ویڈیو بھی موصول ہوئی جس میں انجینویٹی سطح کے اوپر اور پرواز میں دیکھی جاسکتی ہے۔

کامیاب پرواز کے ساتھ ہی ٹیم لیڈر انجینیئر می می آنگ نے کہا کہ ہم مریخ پر اپنے رائٹ برادران لمحے کے حوالے سے بات کررہے تھے، جو کہ یہ ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

83