ہم مزید ایک ساتھ نہیں رہ سکتے کیونکہ ۔۔ بل گیٹس کا شادی کے 27 سال بعد طلاق لینے کا فیصلہ

دنیا کی طاقتور ترین شخصیت بل گیٹس کی جانب سے مستقبل کی پیش گوئیاں کی جاتی رہی ہیں لیکن اب انہوں نے ایک فیصلہ کیاہے جو کہ ان کی نجی زندگی سے متعلق اور بہت اہم ہے۔

مائیکرو سافٹ کے بانی اور دنیا کے تیسری امیر ترین شخصیت بل گیٹس اور ان کی اہلیہ میلنڈا گیٹس نے آپس میں علیحدگی کا فیصلہ کرلیا ہے۔

سماجی رابطے کی ویب سائٹ ٹوئٹر پیغام میں بل گیٹس اور میلنڈا گیٹس کا کہنا تھا کہ ہمارا 27 سال کا سفر اختتام پذیر ہو گیا۔

بل گیٹس اور میلنڈا گیٹس کا کہنا ہے کہ ہم نہیں سمجھتے کہ مزید ایک ساتھ آگے بڑھ سکتے ہیں، وسیع سوچ بچار کے بعد رشتہ ازدواج کو ختم کرنے کا فیصلہ کیا ہے۔

مائیکرو سافٹ کے بانی کا کہنا تھا کہ وہ بل اینڈ میلنڈا گیٹس فاؤنڈیشن میں تعاون جاری رکھیں گے۔

واضح رہے کہ65 سالہ بل گیٹس اور 56 سالہ میلنڈا کی شادی سنہ 1994 میں ہوائی کے لنائی جزیرے پر نئے سال کی آمد کے موقع پر ہوئی تھی۔

سابقہ امیر ترین جوڑی کے تین بچے ہیں، 25 سالہ جینیفر ، 21 سالہ رووری اور 18 سالہ فوبی۔


WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

1488