ملک میں پانی کے ذخائر خطرناک حد تک کم ہوگئے

ارسا نے اپنی رپورٹ میں بتایا ہے کہ ملک میں پانی کا بحران سنگین ہورہا ہے اور آبی ذخائر میں تشویشناک حد تک کمی ہوگئی ہے۔

ارسا نے بتایا ہے کہ تربیلا ڈیم میں پانی کا ذخیرہ ڈیڈ لیول تک پہنچ گیا ہے۔چشمہ بیراج بھی خالی ہوگیا ہے اور منگلا ڈیم میں صرف 4 دن کا ذخیرہ باقی ہے۔

ارسا حکام کے مطابق ڈیموں اور بیراجوں میں پانی کا ذخیرہ صرف 5 لاکھ  30 ہزارایکڑ فٹ رہ گیا ہے۔ موجودہ صورتحال میں ملک میں پانی کا بحران پیدا ہونے کا خدشہ پیدا ہو گیا ہے جبکہ چاول، گنا، کپاس اور مختلف سبزیوں کی فصلوں کو شدید نقصان کا اندیشہ ہے۔ اس کے علاوہ فی ایکڑ پیداوار میں کمی کا امکان بھی ہے۔

دوسری جانب ارسا اور واپڈا کے درمیان دریائے سندھ کے پانی پرتنازعہ کھڑا ہوگیا ہے۔3 روز قبل ارسا نے دریائے سندھ کے پانی سے متعلق واپڈا سوال پوچھا کہ دریائے سندھ کا پانی کہاں غائب ہورہا ہے۔ ارسا حکام نے بتایا کہ واپڈا نے دریائے سندھ کے پانی سے متعلق اتھارٹی کو کوئی جواب نہیں دیا۔

ارسا کا کہنا ہے کہ آج بھی دریائے سندھ میں بشام اور تربیلا کے درمیان 12 ہزار6 سو کیوسک پانی غائب ہے۔ دریائے سندھ میں بشام کے مقام پر پانی کا بہاؤ56ہزار5 سو کیوسک جبکہ تربیلا ڈیم میں پانی کی آمد 43 ہزار 9 سو کیوسک ہے۔ ارسا نے تمام تر صورتحال کے بارے میں وفاقی حکومت کو آگاہ کردیا ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

200