پاکستان کی بتر ین گلوکارہ مانی جانے والی گلوکارہ حدیقہ کیانی کا کہنا ہے کہ وہ اب سوشل میڈیا سے دوری اختیا کر رہی ہیں، یہ فیصلہ انہوں نے اس لیے کیا ہے کہ اب سے وہ اپنا تمام وقت اپنی ماں کو دیں گی۔
ماں کی خاطر سوشل میڈیا چھوڑنے والی حدیقہ کیانی کی یہ خبر بھی انکی سوشل میڈیا ٹیم نے انکی طرف سے انکے آفیشل انسٹاگرام اکاؤنٹ پر شیئر کی ہے۔ پوسٹ میں بتایا گیا ہے کہ حدیقہ کیانی اس وقت اپنا سارا وقت اپنی والدہ کو دینا چاہتی ہیں کیونکہ وہ کافی بیمار ہیں۔اسی پوسٹ میں انکے مداحوں سے انکی والدہ کی صحت کیلئے بھی دعاؤں کی درخواست کی گئی ہے کیونکہ۔
وہ کافی وقت سے بیمار ہیں، یہاں یہ بتانا ضروری ہے کہ انکی والدہ ایک مشہور شاعرہ خاور کیانی ہیں مزید یہ کہ حدیقہ کیانی نے متعدد مقامی اور بین الاقوامی ایوارڈز حاصل کیے ہیں۔ انھوں نے اردو، پنجابی کے علاوہ پشتو میں بھی گانے گائے ہیں۔
حدیقہ کیانی اداکاری بھی کرتی ہیں، سوشل میڈیا سے دوری پر ان کے اکاؤنٹس ان کی ٹیم دیکھے گی۔ حال ہی میں انہوں نے ڈراما سیریل "رقیب سے" میں اداکاری کے میدان میں قدم رکھا ہے، اور اب ایک اور ڈراما سیریل دوبارہ میں وہ اداکاری کے جوہر دکھائیں گی۔