ڈائریکٹر جنرل آئی۔ایس۔آئی کی تعیناتی پرگفتگو، عامرڈوگر سے وضاحت طلب

image

ڈائریکٹر جنرل آئی ایس آئی کی تعیناتی سے متعلق ٹی وی پروگرام میں سیاق و سباق سے ہٹ کر گفتگو کرنے پر پاکستان تحریک انصاف کی قیادت نے قومی اسمبلی میں پارٹی کے چیف وہپ عامر ڈوگر سے وضاحت طلب کرلی۔

سماء ٹی وی کے پروگرام ندیم ملک لائیو میں عامر ڈوگر نے آئی ایس آئی چیف کی تعیناتی سے متعلق کئی اہم معاملات پر بات کی تھی۔ جس میں ان کا کہنا تھا کہ وزیراعظم عمران خان نے کابینہ میں کہا کہ آرمی چیف کے ساتھ مثالی تعلقات ہیں، ڈی جی آئی ایس آئی کیلئے 3 سے 5 نام آئیں گے، ان ناموں میں سے وزیراعظم نئے ڈی جی آئی ایس آئی کی منظوری دیں گے۔

سماء ٹی وی پر عامر ڈوگر کے انٹرویو پر اعلیٰ حکومتی شخصیات اور سینیئر پارٹی قیادت ناراض ہے۔ پی ٹی آئی قیادت کا مؤقف ہے کہ عامر ڈوگر کو قومی سلامتی کے امور پر محتاط رویہ اختیار کرنا چاہئے تھا، قومی سلامتی پر سول و عسکری قیادت میں مکمل ہم آہنگی ہے۔

رپورٹ کے مطابق پی ٹی آئی قیادت کا کہنا ہے کہ عامر ڈوگر کے انٹرویو سے سیاسی سطح پر غلط تاثر پیدا ہوا۔ قیادت کا کہنا ہے کہ اجلاسوں کی تفصیلات فراہم کرنا وزارت اطلاعات اور ترجمانوں کا کام ہے۔

وفاقی وزیر اطلاعات و نشریات فواد چوہدری نے آج اپنے ٹویٹر پیغام میں کہا تھا کہ نئے ڈی جی آئی ایس آئی کی تقرری پر وزیراعظم اور آرمی چیف کے درمیان مشاورت کا عمل مکمل ہوچکا ہے، پاک فوج میں نئی تقرری کے طریقۂ کار پر عملدرآمد شروع ہوچکا ہے اور ایک بار پھر سول اور فوجی قیادت نے یہ ثابت کیا ہے کہ ملک کے استحکام، سالمیت اور ترقی کیلئے تمام ادارے متحد اور یکساں ہیں۔


News Source   News Source Text

WATCH LIVE NEWS

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.