بچے من کے سچے ہوتے ہیں وہ اپنی معصومیت سے سب کا دل جیت لیتے ہیں اور یہی وجہ ہے کہ آج کل چھوٹے چھوٹے بچے بھی خوب پیسے کما رہے ہیں جس کا سب سے عام ذریعہ سوشل میڈیا ہے۔ اسی کی وجہ سے یہ ایک سال کا بچہ پونے 2 لاکھ روپے کما رہا ہے۔
اس شرارتی بچے کا نام برگز ہے جو 14 اکتوبر 2020 کو پیدا ہوا، اس کی پیدائش کے بعد اس کی ماں جوکہ 28 سالہ جیس ڈارلنگٹن ہیں انہوں نے سوشل میڈیا پر اکاؤنٹس بنائے اور جوں ہی برگز 3 ہفتوں کا ہوا اس کے ساتھ سفر کرنا شروع کردیا۔ آپ کو جان کر حیرت ہوگی کہ جب برگز 9ہفتے کا تھا جب وہ پہلی مرتبہ جہاز میں بیٹھا تھا اور اس کے بعد اس نے اپنی والدہ کے ساتھ مختلف جگہوں کی سیر کی، وہ امریکہ کی ہی 16 ریاستوں میں گھوم پھر چکا ہے۔ اس کی مقبولیت سوشل میڈیا پر حد سے زیادہ ہو رہی ہے۔
یہ ماہانہ ا لاکھ 72 ہزار سے زائد روپے کما رہا ہے۔ اس کے والدین بھی برگز سے بہت خوش ہیں کیونکہ اس کی معصومیت اور شرارتی انداز نے لوگوں کو قائل کرلیا ہے۔ برگز کے والد ین کی شادی پسند کی ہوئی اور اس کی ماں جیس شادی کے پہلے سے ہی ٹریلوونگ یعنی مختلف جگہوں کا سفر سیاحت کرتی تھی، والدہ کہتی ہیں کہ:
''
جب میں حاملہ ہوئی تو مجھے اپنے کیرئیر کی فکر ہوئی کہ اب میں سیاحت نہیں کرسکوں گی، لیکن میرے شوہر نے میری خواہش کو پورا کرنے میں میری مدد کی مجھے سہارا دیا اور پھر میں نے بیٹے کے ساتھ کی سیاحت شروع کردی۔
''