بالی ووڈ انڈسٹری کےکنگ شاہ رخ خان کے بیٹے آریان خان منشیات اسمگلنگ کیس میں تاحال جیل میں موجود ہیں جن کی رہائی سے متعلق اہم انکشاف سامنے آیا ہے۔
بھارتی میڈیا رپورٹس کے مطابق بالی ووڈ اداکار شاہ رخ خان کے بیٹے آریان کی رہائی کیلیے 25 کروڑ روپے رشوت مانگے جانے کا انکشاف سامنے آیا ہے۔
بھارتی میڈیا کے مطابق نارکوٹکس کنٹرول بورڈ کے ممبر گوسوائی کے باڈی گارڈ نے عدالت میں حلفیہ بیان دے کر حقیقت سے پردہ اٹھا دیا ہے۔
گارڈ کے مطابق انہوں نے اپنے باس سے سنا تھا کہ رہائی 18 کروڑ میں طے ہوئی ہے، 8 کروڑ روپے این سی بی کے تفتیش کار سمیر وانکھڑے کو ملنے تھے۔
باڈی گارڈ پربھاکر نے بیان دینے کے بعد جان کے خطرے کے پیشِ نظر ممبئی پولیس سے اضافی سیکورٹی طلب کرلی ہے۔
رپورٹس کے مطابق آریان خان کی آج ممبئی ہائی کورٹ میں درخواستِ ضمانت کی سماعت ہوگی۔
خیال رہے کہ شاہ رخ خان کے بڑے بیٹے آریان خان منشیات برآمدگی کیس کے باعث اس وقت جیل میں موجود ہیں۔