محکمہ ٹریفک کی جانب سے شہریوں کے لیے ایک اچھی خبر سامنے آئی ہے۔
تفصیلات کے مطابق محکمہ ٹریفک کی جانب سے کہا گیا ہے کہ اگر چالان پر کیا گیا اعتراض منظور ہوا تو اس صورت میں عوام رقم واپس لے سکتے ہیں جس کا طریقہ کار بھی بتایا گیا ہے۔
سعودی حکومت اپنے شہریوں کو ہر طرح کی سہولت فراہم کرتی ہے جس کے باعث انہیں آسانی ہوجاتی ہے۔
سعودی ذرائع ابلاغ کے مطابق سعودی محکمہ ٹریفک سے ٹوئٹر کے اکاؤنٹ پر دریافت کیا گیا تھا کہ ایس ایم ایس کے ذریعے ٹریفک قوانین کی خلاف ورزی کی اطلاع ملنے پر اس کے خلاف اعتراض پیش کیا تھا۔
کافی عرصے تک جواب کا انتظار کرتا رہا اور جواب نہ ملنے پر چالان کا جرمانہ جمع کرادیا، اسی دوران اطلاع ملی کہ اعتراض قبول کرلیا گیا ہے، اس کے لیے جرمانے کی جمع کی گئی رقم واپس ملنے کا طریقہ کار کیا ہوگا؟
محکمہ ٹریفک کا اس حوالے سے کہنا تھا کہ جرمانے کی رقم واپس ملے گی اور اسی چینل سے واپس ہوگی جس چینل سے جمع کرائی گئی تھی۔
یہ کارروائی تب ہوگئی جب محکمہ ٹریفک مقررہ کمیٹی کے چالان پر اعتراض منظور کرنے اور جرمانے کی رقم واپس کرنے کا فیصلہ جاری کرے گا۔