تصویر میں موجود اس چھوٹی سی ہنستی مسکراتی بچی کو دیکھ کر کون کہہ سکتا تھا کہ یہ بڑی ہو کر ملک کی مایہ ناز اداکارہ بنے گی جس کے چرچے ٹی وی ڈراموں سے لے کر سوشل میڈیا پر بھی خوب ہوں گے۔ چلیں آپ کو ایک ہنٹ اور دے دیتے ہیں یہ بچی اداکارہ ہونے کے علاوہ شادی شدہ اور ایک پیارے سے گول مٹول بیٹے کی والدہ بھی ہیں۔ ان کے شوہر کا تعلق بھی شوبز سے ہے۔
اگر آپ اب بھی نہیں پہچان پائے تو کوئی بات نہیں ہم آپ کو بتا دیتے ہیں کہ تصویر می اپنی بڑی بہن کے ساتھ بیٹھی یہ بچی پاکستان کی نامور اداکارہ اقراء عزیز ہیں۔ اقراء سنو چندا، رانجھا رانجھا کردی، خدا اور محبت، خاموشی اور قربان سمیت بہت سے بہترین ڈراموں میں اداکاری کے جوہر دکھا چکی ہیں۔ ان کا ایک ڈرامہ “جھوٹی“بھی کافی مشہور ہوا تھا جس میں انھوں نے اپنے شوہر یاسر حسین کے ساتھ ہی اداکاری کی تھی۔