معروف انڈین رئیلٹی شو ’بگ باس‘ سے شہرت حاصل کرنے والے انڈین اداکار اور سوشل میڈیا سیلبریٹیز عاصم ریاض اور علی گونی عمرہ ادا کرنے کے لیے سعودی عرب روانہ ہو گئے ہیں۔جمعے کو فوٹو اینڈ ویڈیو شیئرنگ پلیٹ فارم انسٹاگرام پر دونوں اداکاروں نے عمرے کی ادائیگی کے لیے جانے کی تصویر شیئر کی۔دونوں شوبز سٹارز کو تصویر میں احرام کی حالت میں دیکھا جا سکتا ہے۔عاصم ریاض لکھتے ہیں کہ ’رمضان مبارک، اللہ اکبر۔‘
View this post on Instagram A post shared by ASIM RIAZ (@asimriaz77.official)
علی گونی نے بھی اپنی پوسٹ میں رمضان کی مبارک دی۔
View this post on Instagram A post shared by (@alygoni)
اس سے قبل علی گونی نے سماجی رابطوں کی ویب سائٹ ٹوئٹر پر گزشتہ ہفتے اپنی ٹویٹ میں عاصم ریاض کے ساتھ عمرے پر جانے کی خبر دی تھی۔
علی گونی لکھتے ہیں کہ ’یہ میرا بہت بڑا خوب تھا۔ اب مزید انتظار نہیں ہو رہا۔ مکہ میں میرا پہلا روزہ ہوگا۔ میں اپنے بچپن کے دوست عاصم ریاض کے ساتھ اپنا پہلا عمرہ کرنے پر بہت خوش ہوں۔‘
Can’t wait this was my biggest dream allhamdulillah… My first roza in Mecca .. Allah sab ko yeh mauka de. Ameen And so happy doing my first umrah with my childhood buddy @imrealasim pic.twitter.com/7wWncsk0xB
— Aly Goni (@AlyGoni) March 19, 2023
دوسری جانب معروف انڈین ٹی وی سٹار حنا خان بھی عمرے کی ادائیگی کے لیے مکہ مکرمہ میں موجود نظر آئیں۔
انہوں نے انسٹاگرام پر اپنے عمرہ کی ادائیگی کی تصاویر شیئر کیں جس میں ان کے ساتھ اُن کی والدہ بھی موجود تھیں۔
View this post on Instagram A post shared by Hina Khan (@realhinakhan)
سنہ 2019 میں نشر ہونے والے بِگ باس کے 13 ویں سیزن نے عاصم ریاض کو شہرت کی بلندیوں پر پہنچا دیا تھا۔ بِگ باس 13 میں عاصم ریاض رنرز اپ قرار پائے تھے۔
دوسری جانب 2013 میں نجی ٹی وی سٹار پلس کے ڈرامے ’یہ ہے محبتیں‘ سے شہرت حاصل کرنے والے علی گونی 2020 میں نشر کیے گئے بِگ باس کے سیزن 14 کی کاسٹ میں شامل تھے۔
علی گونی سیزن 14 میں تیسرے رنرز اپ امیدوار تھے۔