برسلز۔22مئی (اے پی پی):بیلجیئم، لکسمبرگ اور یورپی یونین میں پاکستان کی سفیر آمنہ بلوچ نےایران کے صدر ابراہیم رئیسی اور وزیر خارجہ حسین امیر عبداللہیان کے انتقال پر تعزیت کے لئے برسلز میں ایرانی سفارتخانہ کا دورہ کیا۔
بیلجئیم میں پاکستانی سفارتخانہ نے سماجی رابطے کے پلیٹ فارم ایکس پر پوسٹ کے مطابق پاکستان قومی سوگ کی اس گھڑی میں ایران کے عوام کے ساتھ اظہار یکجہتی کرتا ہے۔ اس موقع پر انہوں نے مہمانوں کی کتاب میں تعزیتی تاثرات بھی قلمبند کئے۔