پنجاب حکومت نے شوگر کے مریضوں کی بینائی بچانے کے لیے اویسٹین انجکشن کے دوبارہ استعمال کی اجازت دے دی ہے۔
محکمہ صحت پنجاب نے نئے ایس او پیز جاری کر دیئے ہیں جس کے مطابق اویسٹین انجکشن کو صرف رجسٹرڈ فارمیسیز سے خریدا جا سکے گا۔ حکومت نے سرکاری اسپتالوں کو منظورہ شدہ ماہر امراض چشم سے اویسٹین انجکشن کی فراہمی کی اجازت دی ہے۔
پنجاب حکومت نے صوبے میں گندم اور آٹا کی قیمت مقرر کر دی
محکمہ صحت پنجاب کے احکامات کے مطابق انجکشن کو سرنج میں بھرنے کے لیے مخصوص آپریشن تھیٹر کی موجودگی لازمی ہوگی اور اس جگہ کی صفائی کی اہمیت بھی دی گئی ہے۔ انجکشن بھرنے والے طبی عملے کا میڈیکل ریکارڈ چیک ہوگا اور انجکشن بھرنے کی جگہ کی فٹنس چیک کرنا بھی لازمی ہوگا۔
اس کے علاوہ پنجاب ہیلتھ کئیر کمیشن سے رجسٹرڈ اسپتال اویسٹین انجکشن خرید سکیں گے اور پوسٹ گریجویشن کے بعد 3 سال کا تجربہ رکھنے والا ڈاکٹر بھی انجکشن لگا سکے گا، جبکہ انجکشن لگانے کی ویڈیو بھی ریکارڈ کی جائے گی۔