امبانی خاندان نے اپنے لاڈلے بیٹے کی شادی میں آنے والے مہمانوں کو تو قیمتی تحائف سے نوازا ہی لیکن بہو اور بیٹے کو بھی شادی پر کم قیمتی تحفے نہیں دیے. آئیے جانتے ہیں دنیا کے رئیس ترین ساس سسر کے بہو کو تحفے میں کیا کچھ دے ڈالا.
بھارتی میڈیا کے مطابق مکیش اور نیتا امبانی نے رادھیکا اور آننت کو پام جمیرہ میں ایک شاندار حویلی تحفے میں دی ہے. یہ حویلی 3,000 مربع فٹ پر پھیلی ہوئی ہے جس میں 10 بیڈروم اور ایک نجی ساحل کا حصہ بھی موجود ہے۔ حویلی کی قیمت 640 کروڑ روپے یعنی کہ ($80 ملین) بتائی جارہی ہے.
حویلی کے علاوہ ایک شاندار بینٹلی کانٹی نینٹل جی ٹی سی اسپیڈ بھی دلہا دلہن کو دی گئی ہے جس کی قیمت لگ بھگ 5.42 کروڑ روپے ہے۔
نیتا امبانی نے سب سے چھوٹی بہو رادھیکا کو بیش قیمت زیورات سے بھی نوازا ہے جن میں قیمتی کرٹئیر بروچ بھی شامل ہے. اس بروچ کی قیمت تقریباً 21.7 کروڑ روپے بتائی جارہی ہے. اس کے علاوہ موتی اور ہیرے کا 108 کروڑ مالیت رکھنے والا جڑاؤ چوکر بھی دیا ہے.
جبکہ دنیا بھر سے آنے والے مہمانوں نے آننت اور رادھیکا کو نایاب اور قیمتی مجسمے اور پینٹنگز کے تحائف دیے ہیں.