جہاں مکیش امبانی نے لاڈلے بیٹے کی شادی میں دنیا بھر کی مشہور شخصیات کو دعوت دی وہاں یہ بھی سننے میں آیا کہ پاکستانی ٹیم کے کپتان بابر اعظم کو بھی بلایا گیا ہے.
یہاں تک یہ سوشل میڈیا پر یہ دعویٰ بھی سامنے آیا کہ آننت امبانی کی شادی میں شرکت کے لئے بابر اعظم کو 90 کروڑ کی پیشکش کی گئی تھی جو کہ بابر اعظم نے ٹھکرا دی.
ان خبروں کے زور پکڑنے کے بعد بابر اعظم کی PR اور مارکیٹنگ ٹیلنٹ مینجمنٹ کمپنی نے بابر اعظم کی جانب سے بیان جاری کردیا ہے.
کمپنی کا کہنا ہے کہ بابر اعظم کو مکیش امبانی کے بیٹے کی شادی میں شرکت کے لیے کبھی رقم کی پیشکش نہیں کی گئی اور نہ ہی اس شادی میں شرکت کیلئے دعوت دی گئی تھی. یہ خبریں جعلی اور بے بنیاد ہیں.