وزیر داخلہ محسن نقوی نے کہا ہے کہ بانی پی ٹی آئی کس سے مذاکرات کریں گے اور کس سے نہیں یہ تو اللہ بہتر جانتا ہے۔
میڈیا سے گفتگو کرتے ہوئے محسن نقوی نے کہا کہ آئی پی پیز کے حوالے سے میں نے وزیراعظم کو ساری چیزیں پہنچا دی ہیں۔ وزیراعظم نے وزارت توانائی سے ساری چیزوں پر بات کر لی ہے، ہم پوری طرح ایڈریس کرنے کی کوشش کر رہے ہیں۔
دھرنا مظاہرین کے مطالبات جائز ، سنجیدہ مذاکرات چاہتے ہیں ، وزیر داخلہ کا لیاقت بلوچ سے رابطہ
انہوں نے کہا کہ بلوچستان میں دھرنا چل رہا ہے، یہ صوبائی سبجیکٹ بن چکا ہے ، کوئی بھی صوبہ ہو، ہم نے مدد کرنی ہے، صوبہ خود مختار ہے کہ اس نے کیا حکمت عملی دکھانی ہے۔
وزیر داخلہ نے کہا کہ ہم سکیورٹی کے حوالے سے پوری ذمہ داری ادا کر رہے ہیں، سیاسی طور پر کسی کو پریشانی کی ضرورت نہیں، سب چیزیں مستحکم ہیں۔
وزیر داخلہ کا پروٹیکٹڈ صارفین کو اووربلنگ میں ملوث افسران ، عملے کیخلاف کارروائی کا حکم
انہوں نے مزید کہا کہ پارا چنار میں زمین کے معاملے پر لڑائی شروع ہوئی، حکومت نے ہی دونوں گروپس کو میز پر بٹھایا اور مذاکرات کرائے۔