نئی دہلی: ایئر انڈیا نے مشرق وسطی میں بڑھتی ہوئی کشیدگی کے باعث اسرائیل کے شہر تل ابیب کے لیے اپنی تمام پروازیں 8 اگست تک معطل کرنے کا اعلان کر دیا۔
غیر ملکی خبر رساں ایجنسی کے مطابق ایئر انڈیا نے جمعہ کو ایک بیان میں کہا کہ مشرق وسطیٰ کے کچھ علاقوں کی موجودہ صورتحال کے پیش نظر اسرائیل کے لیے تمام پروزیں معطل کر دی ہیں۔
بیان میں کہا گیا کہ ہم نے فوری طور پر 8 اگست تک تل ابیب جانے اور وہاں سے واپس آنے والی اپنی پروازوں کا شیڈول آپریشن معطل کر دیا ہے۔
کہا گیا کہ صورتحال کی مسلسل نگرانی کی جا رہی ہے اور اس مدت کے دوران تل ابیب جانے اور واپسی کی مصدقہ بکنگ کے حامل اپنے مسافروں کوری شیڈولنگ اور کینسلیشن چارجز پر ایک بار کی چھوٹ فراہم کر رہے ہیں۔
یہ بھی پڑھیں: مشرق وسطیٰ میں کشیدگی، امریکی جنگی بحری بیڑہ خلیج فارس روانہ
ایئر انڈیا نے جمعرات کو آپریشنل وجوہات کا حوالہ دیتے ہوئے نئی دہلی سے تل ابیب کے لیے طے شدہ پرواز منسوخ کر دی تھیں۔ ایئرانڈیا کی جانب سے فلائٹ آپریشن معطل کرنے کا فیصلہ ایسے وقت میں کیا گیا ہے جب مشرق وسطی میں جاری کشیدگی میں اضافہ ہوا ہے۔