رواں سال جولائی میں ہونے والی بھارتی کرکٹر ہاردیک پانڈیا اور نتاشا اسٹینکووچ کی طلاق نے جہاں ایک طرف سب کو حیران کر دیا تھا وہیں دوسری طرف مداح اس خبر سے بہت افسردہ بھی تھے، اور ساتھ ہی نتاشا پر بے وفائی کے الزامات بھی لگائے گئے۔
لیکن اب دونوں کی علیحدگی کے کچھ وقت بعد سامنے آنے والے نئے انکشافات کی وجہ سے سوشل میڈیا پر نتاشا کو اچانک مداحوں کی جانب سے حمایت ملنے لگی۔
دراصل سوشل میڈیا پر بھارتی مداحوں کی جانب سے نتاشا کو مسلسل ہاردیک کی زندگی خراب کرنے کا الزام دیا جا رہا تھا۔ مگر اب حالات دیکدم بدلتے نظر آرہے ہیں، جس کی وجہ ہاردیک پانڈیا کی نئی گرل فرینڈ جیسمین والیا کے ساتھ ڈیٹنگ کو بتایا جا رہا ہے۔
اس خبر کے آتے ہی بڑی تعداد میں صارفین نتاشا سے معذرت کرنے لگے۔
نتاشا کی حالیہ پوسٹس پر معذرت کرتے ہوئے ایک صارف نے لکھا، "معذرت نتاشا، ہم نے آپ کو پوری کہانی جانے بغیر ہی ملزم بنا دیا۔ آپ ہاردیک سے بہتر پارٹنر کے قابل ہیں۔"
ایک اور صارف نے لکھا، "صرف اس لیے کہ ہاردیک ایک مشہور کرکٹر اور امیر شخصیت ہے، اس کا مطلب یہ نہیں کہ نتاشا کو الزام دینا درست ہے"۔
اسی طرح کے ان گنت کمنٹس دونوں کے سوشل میڈیا اکاؤنٹس پر مداحوں کی جانب سے کئے جا رہے ہیں۔