پاکستان بمقابلہ بنگلہ دیش ٹیسٹ سیریز کے لیئے 17 رکنی پاکستان اسکواڈ کا اعلان کردیا گیا ہے۔
بنگلا دیش کے خلاف ٹیسٹ سیریز میں شان مسعود کپتان جبکہ سعود شکیل کو نائب کپتان مقرر کیا گیا ہے۔
اسکے علاوہ سعود شکیل بنگلا دیش اے کے خلاف پہلے چار روزہ میچ میں پاکستان شاہینز کی قیادت بھی کریں گے۔
پاکستانی اسکواڈ:
پاکستانی اسکوڈ میں شان مسعود (کپتان)، سعود شکیل ( نائب کپتان)، عامر جمال، عبداللہ شفیق، ابرار احمد، بابر اعظم، کامران غلام، خرم شہزاد، میر حمزہ، محمد علی، محمد ہریرہ، محمد رضوان ( وکٹ کیپر)، نسیم شاہ، صائم ایوب، سلمان علی آغا، سرفراز احمد (وکٹ کیپر) اور شاہین شاہ آفریدی شامل ہیں۔
جبکہ امام الحق، فہیم اشرف، حسن علی، محمد نواز، محمد وسیم جونیئر، نعمان علی اور ساجد خان اسکواڈ میں جگہ بنانے میں کامیاب نہ ہوسکے۔
سیریز کا پہلا ٹیسٹ میچ 21 سے 25 اگست تک راولپنڈی کرکٹ اسٹیڈیم جبکہ دوسرا ٹیسٹ میچ کراچی میں 30 اگست سے 3 ستمبر کو کھیلا جائے گا۔