گزشتہ روز کراچی کے علاقے کارساز کے قریب خوفناک حادثہ پیش آیا جس میں باپ بیٹی موقع پر ہی دم توڑ گئے اور 5 افراد زخمی ہوئے.
دل دہلا دینے والے حادثے میں جاں بحق ہونے والوں کی شناخت 62 سالہ عمران عارف اور 23 سالہ آمنہ کے نام سے ہوئی ہے۔ جبکہ آمنہ کے بھائی اسامہ کا کہنا ہے کہ آمنہ تین بہن بھائیوں میں سب سے بڑی تھی اور نجی کمپنی میں ملازمت کرتی تھی. والد کے ساتھ گھر آتے ہوئے یہ حادثہ پیش آیا۔
اسامہ کا کہنا تھا کہ مرحوم والد گلی محلے میں پاپڑ بیچتے تھے۔ اسکیم 33 کے رہائشی عمران عارف بیٹی کو دفتر سے لینے بائیک پر گیے تھے اور نکلے ہی تھے کہ لینڈ کروزر نے باپ بیٹی سمیت کئی موٹرسائیکل سواروں اور ایک گاڑی کو ٹکر مار دی.
62 سالہ عمران عارف کے چھوٹے بھائی امتیاز عارف ولد شہزاد منظر کی مدعیت میں مقدمہ درج کرکے حادثے کی ذمے دار خاتون ڈرائیور نتاشا کو باقاعدہ گرفتار کر لیا گیا ہے.
مختلف ویڈیوز میں خاتون کی حالت دیکھتے ہوئے لوگوں نے ان پر شراب پینے کا الزام بھی عائد کیا جبکہ ایس
ایچ او بہادرآباد کا کہنا ہے کہ ابتدائی تحقیقات کے مطابق خاتون نشے میں نہیں تھیں بلکہ ذہنی تناؤ کا شکار تھیں.