"جس بزرگ نے سوچا بھی نہیں ہوگا انھیں مار دیا گیا. پاکستان کی ذہین ترین، قابل بچی کے ساتھ ظلم ہوا. اسے گاڑی سے کچلا گیا. اللہ ان دونوں کی مغفرت کرے لیکن ہم کراچی کی اس بیٹی کو انصاف دلانے کے لئے ہر حد تک جائیں گے یہاں تک کہ سپریم کورٹ بھی جانا ہوا تو جائیں گے"
یہ کہنا ہے معروف سماجی کارکن ظفر عباس کا جنھوں نے گزشتہ دنوں کراچی کے علاقے کارساز میں لینڈ کروزر کے حادثے میں جاث بحق ہونے والی آمنہ عارف اور ان کے والد عمران عارف کے حق میں آواز بلند کرتے ہوئے ویڈیو بنائی ہے.
ظفر عباس کا کہنا ہے کہ پاکستانی نژاد برطانوی بزنس مین علی شیخانی نے مرحومہ آمنہ کی بیوہ والدہ کے لیے 120 گز کے کسی اچھی سوسائٹی میں بنگلہ دلانے کا وعدہ بھی کیا ہے کیونکہ ان کے پاس اپنا گھر تک نہیں ہے
اس کے علاوہ کوئی بھی بڑی گاڑی میں آئے اور کراچی کے شہریوں کو روندتا ہوا چلا جائے ایسا نہیں ہوگا. پوری جے ڈی سی، علی شیخانی اور پاکستان مرحومین کو انصاف دلانے کے لئے ان کے ساتھ ہے اور تمام اخراجات برداشت کیے جائیں گے.