بنگلہ دیش کے خلاف دوسرے ٹیسٹ میں پاکستان کی دوسری وکٹ بھی گر گئی ہے۔
کپتان شان مسعود 57 رنز بنا کر پویلین لوٹے جبکہ صائم ایوب بھی نصف سینچری مکمل کرنے میں کامیاب رہے ہیں۔
راولپنڈی کرکٹ سٹیڈیم میں جاری میچ کا ٹاس بنگلہ دیش نے جیت کر پاکستان کو بیٹنگ کی دعوت دی تھی۔
شان مسعود کی جگہ بابر اعظم بیٹنگ کے لیے آئے ہیں۔
سنیچر کی صبح پاکستان کی جانب سے بیٹنگ کا آغاز مایوس کن رہا کیونکہ اوپنر عبداللہ شفیق صفر پر آہوٹ ہو گئے، تاہم اس کے بعد بلے بازوں نے سنبھلنا شروع کیا۔
یہ میچ جمعے کو شیڈول تھا تاہم راولپنڈی اسلام آباد میں بارش کی وجہ سے پہلے روز کا کھیل منسوخ کر دیا گیا تھا۔
پاکستان کی ٹیم میں دو تبدیلیاں کی گئی ہیں، نسیم شاہ اور شاہین شاہ آفریدی کو ڈراپ کیا گیا ہے جبکہ ان کی جگہ ابرار احمد اور میر حمزہ کو ٹیم میں شامل کیا گیا ہے۔
جمعے کو بارش کی وجہ سے ٹاس نہیں ہو سکا تھا اور پچ کو کورز سے ڈھک دیا گیا تھا۔
اس سے ایک روز قبل پاکستان کرکٹ ٹیم کے ہیڈ کوچ جیسن گلیسپی نے پریس کانفرنس کرتے ہوئے قومی سکواڈ کا اعلان کیا تھا۔
ٹیسٹ سکواڈ میں شان مسعود، سعود شکیل، ابرار احمد، محمد علی، سلمان علی آغا، صائم ایوب، بابر اعظم، میر حمزہ، محمد رضوان، عبداللہ شفیق، نسیم شاہ اور خرم شہزاد شامل ہیں۔
اس سے قبل پاکستان بنگلہ دیش کے خلاف اپنا پہلا ٹیسٹ میچ ہار چکا ہے اور اب ٹیم کی کوشش ہو گی کہ دو میچوں پر مشتمل اس سیریز کو یہ میچ جیت کر برابر کیا جائے۔
دو میچوں کی یہ سیریز ورلڈ چیمپیئن شپ کے تسیرے مرحلے کا حصہ ہے۔
بنگلہ دیشی سکواڈ میں نجم الحسین شانتو (کپتان)، ذاکر حسن، شادمان اسلام، مومن الحق، مشفقر رحیم، شکیب الحسن، مہدی حسن مرزا، لٹن داس، ناہید رانا، حسن محمد اور تسکین احمد شامل ہیں۔