لندن: برطانوی فٹبال کلب پریسٹائن کے فٹبالر ملوٹن اسمیجک پر مخالف ٹیم کے فٹبالر کو کاٹنے کے جرم میں 8 میچز کی پابندی عائد کر دی گئی۔
غیر ملکی خبر رساں ادارے کے مطابق 25 سالہ موٹن اسمیجک نے ایک میچ کے دوران بلیک برن کے فٹبالر اوون بیک کی طرف سے ملنے والے چیلنج کے بعد انہیں کاٹ لیا تھا۔
میچ کے بعد ہونے والی کانفرنس میں بلیک برن کے عہدیدار نے اوون بیک کے جسم پر نشان دکھاتے ہوئے بتایا تھا کہ ملوٹن نے دوران میچ اوون بیک کو پیچھے سے پکڑا اور انہیں گردن کے پچھلے حصے پر کاٹ لیا تھا۔
یہ بھی پڑھیں: پہلا ٹیسٹ، انگلینڈ نے پاکستان کے خلاف ٹیم کا اعلان کر دیا
فٹبال ایسوسی ایشن کی جانب سے اسمیجک کے خلاف اُس وقت کوئی کارروائی عمل میں نہیں لائی گئی تھی۔ تاہم اب فٹبال ایسوسی ایشن نے اسمیجک کو سخت سزا سنا دی ہے۔
نوجوان فٹبالر کی جانب سے پر تشدد عمل کے اعتراف کے بعد فٹبال ایسوسی ایشن نے ان پر 8 میچز کی پابندی اور 15 ہزار پاؤنڈ جرمانہ عائد کیا ہے۔