گزشتہ روز شعیب ملک اور ثانیہ مرزا نے اپنے بیٹے اذاہان مرزا ملک کی چھٹی سالگرہ منائی۔ اس موقع پر دونوں نے الگ الگ بیٹۓ کے ہمراہ اس دن کو خوبصورت بنانے کی کوشش کی اور سوشل میڈیا پر مداحوں کے ساتھ شیئر بھی کیا۔
پہلے ثانیہ مرزا نے بیٹے کی سالگرہ منائی اور ویڈیو انسٹاگرام پر شیئر کی، جس میں انہوں نے اذہان کو اپنی خوشی کی وجہ قرار دیا تھا۔
اور اب شعیب ملک کی جانب سے بھی ایک ویڈیو پوسٹ کی گئی ہے جس میں وہ بیٹے کے ہمراہ دبئی کے ایک ہوٹل میں سالگرہ مناتے نظر آ رہے ہیں۔
انہوں نے ویڈیو کے ساتھ ایک پیغام تحریر کیا جس میں لکھا تھا، "سالگرہ مبارک چیمپئن، دعا ہے کہ آنے والے سال خوشیوں سے بھرے ہوں، آپ ہمارے لیے باعث فخر بنو۔"
اگرچہ یہ ویڈیو خوشی کے موقع کی تھی، لیکن سوشل میڈیا صارفین شعیب ملک پر شدید برہم ہیں کیونکہ ان کو ویڈیو میں اذہان مرزا اپنے والد سے اجنبیت سی محسوس کرتے دکھائی دیئے جو اس سے پہلے کبھی نہیں دیکھی گئی۔
ان کا ماننا ہے کہ ان دونوں کے رشتے میں بہت زیادہ فرق آگیا ہے، اذہان اپنے والد سے ہی شرما رہا ہے جو کہ اس سے پہلے کبھی نہیں دیکھا، ایسا معلوم ہو رہا ہے کہ اس کے برابر میں کوئی اجنبی شخص بیٹھا ہے یہ دیکھ کر دل ٹوٹ سا گیا۔