کراچی سمیت سندھ کے 18 اضلاع میں ضمنی بلدیاتی انتخابات میں پولنگ کا عمل جاری ہے۔
کراچی کے 6 اضلاع میں 10 بلدیاتی نشستوں پر امیدوار میدان میں ہیں۔ جن میں ضلع جنوبی، غربی، وسطی، کیماڑی، ملیر اور کورنگی شامل ہیں۔ پولنگ کا آغاز صبح 8 ہو گیا جو شام 5 بجے تک بلا تعطل جاری رہے گا۔
پاکستان اور چین کے مابین تعلقات کی مضبوطی کے نئے دور کا آغاز ہو چکا ہے ، وزیراعظم
کراچی کے 167 پولنگ اسٹیشن میں سے 136 انتہائی حساس، 26 پولنگ اسٹیشن حساس اور 5 نارمل قرار دیئے گئے، یوسی 9 ٹی ایم سی ملیر میں قائم 11 پولنگ اسٹیشن انتہائی حساس قراردیئے گئے۔
یوسی 8 ٹی ایم سی ماڈل کالونی میں قائم تمام 21 پولنگ جبکہ یوسی 13 ٹی ایم سی صدر میں 7 پولنگ اسٹیشنز انتہائی حساس اور 5 حساس قرار دیئے گئے ہیں۔ یوسی 7 ٹی ایم سی لیاقت آباد میں تمام 31 پولنگ اسٹیشنز انتہائی حساس قرار دیئے گئے ہیں۔
انتہائی حساس پولنگ اسٹیشنوں پر سی سی ٹی وی کیمرے نصب اور16 سے 18 اہلکار تعینات جبکہ حساس اسٹیشنوں پر 8 سے 12 پولیس اور رینجرز کی نفری تعینات کی جائے گی۔