پاکستان تحریک انصاف کے رہنما سلمان اکرم راجہ نے کہا ہے کہ اگر بانی پی ٹی آئی کو فوجی عدالتوں میں پیش کیا گیا تو یہ بہت برا دن ہو گا۔
اسلام آباد میں پریس کانفرنس کرتے ہوئے سلمان اکرم راجہ کا کہنا تھا کہ جو ذوالفقار علی بھٹو کے ساتھ ہوا ہم ابھی تک اس سے نکل نہیں سکے۔ مقتدرہ سے اپیل کرتا ہوں کہ ایسا مت کریں، پوری دنیا میں ہمارا مذاق بنے گا۔
جامع اور غیرمشروط مذاکرات کا حامی ہوں، بیرسٹر گوہر
انہوں نے مزید کہا کہ فوجی عدالتوں کا فیصلہ غیر آئینی ہے ، اس ملک میں رہنے والوں کو ریوڑ سمجھنا بند کیا جائے۔ ہمیں ختم کرنے کی ناکام کوشش نہ کریں۔
ان کا کہنا تھا کہ فوجی عدالتوں سے سزاؤں کے باوجود ہم مذاکرات کے لیے تیار ہیں ، ہم پاکستان کی فلاح کےلیے مذاکرات کرنا چاہتے ہیں۔