پی ایس ایل ایڈیشن 10کی ڈرافٹنگ مکمل ہو چکی ہے، کون سا کھلاڑی کس ٹیم نے منتخب کیا، ٹیموں کے اسکواڈ مکمل ہو گئے۔
سرفراز احمد سمیت کئی معروف کھلاڑیوں کو کسی بھی فرنچائز نے منتخب نہ کیا لیکن کوئٹہ گلیڈی ایٹرز کے مالک نے سرفراز احمد کی خدمات کو مدنظر رکھتے ہوئے ٹیم کا کوچ مقرر کر دیا۔
لاہور قلندرز کے اسکواڈ میں شاہین آفریدی، ڈیرل مچل، فخر زمان،کوشل پریرار، حارث رؤف، سکندر مرزا، عبداللہ شفیق، زمان خان، جہانداد خان، ڈیوڈ ویزے، آصف آفریدی، آصف علی، محمد اخلاق، راشد حسین، سیم بلنگز، مومن قمر، محمد اذب، ٹام کیورن، سلمان علی مرزا اور محمد نعیم شامل ہیں۔
پی ایس ایل 10، کرکٹ کی دنیا کے بڑے نام جو کسی ٹیم کا حصہ نہ بن سکے
اسی طرح اسلام آباد یونائیٹڈ کے اسکواڈ میں شاداب خان، میتھیو شارٹ، نسیم شاہ، جیسن ہولڈر، عماد وسیم، اعظم خان،بین ڈوارہوئس، سلمان علی آغا، حیدر علی،کولن منرو، محمد نواز، آندریس گوس، رومان رئیس، سلمان ارشد، ریلی میریڈتھ، حنین شاہ، سعد مسعود اور راسی وان ڈیر ڈوسن شامل ہیں۔
پشاور زلمی نے بھی اپنے کھلاڑی منتخب کر لئے ہیں ان کے اسکواڈ میں بابراعظم، ٹام کوہلر کیڈمور، صائم ایوب، کوربن بوش، محمد علی، محمد حارث،ناہید رانا، عبدالصمد، حسین طلعت، نجیب اللہ زردان، عارف یعقوب، سفیان مقیم، میکس برینٹ، مہران ممتاز، الزری جوزف، معاذ صداقت، علی رضااور احمد دانیال شامل ہیں۔
کراچی کنگز میں پی ایس ایل 10 کے مہنگے ترین کھلاڑی ڈیوڈ وارنر شامل ہیں، کراچی کنگز کے اسکواڈ میں ڈیوڈ وارنرایڈم ملنے، عباس آفریدی، جیمز وینس، حسن علی، خوشدل شاہ، شان مسعود، عامر جمال، محمد عرفان خان،لٹن داس، عرفات منہاس، میر حمزہ، ٹم سیفرٹ، زاہد محمود، کین ولیمسن، فواد علی، ریاض اللہ، محمد نبی، عمیر بن یوسف اور مرزا مامون شامل ہیں۔
چیمپئنز ٹرافی، بھارتی کپتان روہت شرما کی پاکستان آمد کاامکان
ملتان سلطانز کے اسکواڈ میں محمد رضوان، مچل بریسویل، اسامہ میر، افتخار احمد،ڈیوڈ ویلی،عثمان خان،محمد حسنین، کرس جورڈن، کامران غلام، جوزف لٹل، عاکف جاوید، گوڈاکیش موٹی، فیصل اکرم، طیب طاہر، عبید شاہ، جانسن چارلز، شاہد عزیز، شائے ہوپ، یاسر خان اور محمد عامر برکی شامل ہیں۔
کوئٹہ گلیڈی ایٹرز کے اسکواڈ میں مارک چیپمین، فہیم اشرف، فن ایلن،ریلی رسووو، محمد عامر، ابرار احمد، سعود شکیل، اکیل حسین، محمد وسیم جونیئر، کیل جیمی سن، حسیب اللہ خان، خرم شہزاد، خواجہ نافع، عثمان طارق، حسن نواز، محمد ذیشان،شعیب ملک، کوشل مینڈس، شان ایبٹ اور دانش عزیز شامل ہیں۔