پی ایس ایل 10 کے لاہور میں ہونے والے پلیئرز ڈرافٹ میں کرکٹ کی دنیا کے بڑے نام جو کسی ٹیم کا حصہ نہ بن سکے۔
پہلی بار پاکستان سپرلیگ کھیلنے کے خواہش مند غیر ملکی کھلاڑیوں کی ایک بڑی تعداد نے خود کو رجسٹرڈ کروایا تھا لیکن کئی بڑے ناموں کو کسی فرنچائز نے منتخب نہیں کیا۔
ایسے کھلاڑی جو پی ایس ایل کی کسی ٹیم کا حصہ نہ بن سکے ان میں ٹم ساؤتھی، جیسن روئے، ایلکس ہیلز، عثما ن خواجہ، شکیب الحسن، جمی نیشم، سرفراز احمد، احسان اللہ، مجیب الرحمان، ایشٹن ایگر اور کرس لین شامل ہیں۔
ملتان، پولیس نے پاک ویسٹ انڈیز ٹیسٹ سیریز کیلئےسیکیورٹی پلان جاری کردیا
ان کے علاوہ کوپر کانوولی، ڈینیل سیمز، جیسن بہرینڈروف، مارک اسٹیکیٹے، موئیسز ہینریکس، ولیم سدرلینڈ، مستفیض الرحمان، جو کلارک، لوری ایونز، تیمال ملز، عمران طاہر، ریضا ہینڈرکس، تبریز شمسی، چرِتھ اسالنکا اور ایون لیوس کو کسی ٹیم نے منتخب نہیں کیا۔ ان کے علاوہ منتخب نہ کیے جانے والوں میں دیگر غیر ملکی کھلاڑی بھی شامل ہیں۔
سرفراز احمد نے کوئٹہ گلیڈی ایٹرز چھوڑ دی تھی اور وہ ڈرافٹ کا حصہ تھے لیکن انہیں کسی ٹیم نے پک نہ کیا، جس کے بعد کوئٹہ گلیڈی ایٹرز کے مالک ندیم عمر نے انہیں ٹیم کا کوچ مقرر کر دیا۔