بین الاقوامی منڈی میں تیل کی قیمتوں میں ہلچل مچ گئی ہے، اور اس کا اثر پاکستانی عوام پر پڑنے والا ہے! اطلاعات کے مطابق کل، 16 جنوری 2025 سے پٹرول کی قیمت میں 3.53 روپے اور ڈیزل کی قیمت میں 3.66 روپے فی لیٹر اضافے کا امکان ہے۔
چین اور بھارت کو تیل کی برآمدات پر امریکی قدغن کے باعث خام تیل کی قیمتیں 81 ڈالر فی بیرل کی بلند ترین سطح پر پہنچ گئی ہیں، جو اگست 2024 کے بعد پہلی بار ہوا ہے۔ ان پابندیوں نے عالمی مارکیٹ میں طلب و رسد کا توازن بگاڑ دیا ہے، اور اس کے اثرات ہر ملک کی معیشت پر محسوس کیے جا رہے ہیں۔
ذرائع کے مطابق مٹی کے تیل کی قیمت میں 4.98 روپے فی لیٹر اور لائٹ ڈیزل آئل کی قیمت میں 6.20 روپے فی لیٹر اضافے کی بھی توقع ہے۔ تاہم، یہ فیصلہ وزارت خزانہ کے فیصلے سے مشروط ہے۔