مہاکمبھ میلے سے مشہور ہونے والے بابا ابھے سنگھ نے دعویٰ کرتے ہوئے کہا ہے کہ بھارت اس بار پاکستان کو شکست نہیں دے سکتا۔
ابھے سنگھ کو آئی آئی ٹی بابا کے نام سے جانا جاتا ہے، بھارتی میڈیا پر وائرل ویڈیو میں ابھے سنگھ نے پاک بھارت مقابلے کے بارے میں کہاہے کہ بھارت اس بار پاکستان کو شکست نہیں دے سکتا، یہ میرا کہنا ہے۔
آؤٹ ہونے کے بعد ڈریسنگ روم میں فخر زمان پھوٹ پھوٹ کر رو پڑے
ان کا کہنا تھا کہ اگر ویرات کوہلی اور دیگر کھلاڑی ایڑی چوٹی کا زور بھی لگا لیں تو اس بار انڈیا پاکستان کوہرا نہیں سکتا، میں نے بس کہہ دیا ہے، اس بار پاکستان جیتے گا، اب بھارت جیت کر دکھائے۔
اس ویڈیو سے بھارتی سوشل میڈیاپر نئی بحث کا آغاز ہو گیا ہے، واضح رہے کہ چیمپیئنز ٹرافی میں دونوں ٹیموں کا آمنا سامنا 23 فروری بروز اتوار کو ہوگا، پوری دنیا کے کرکٹ شائقین کو اس ہائی وولٹیج میچ کا انتظار رہتا ہے۔