پاک فوج نے لائن آف کنٹرول (ایل او سی) پر بھارتی فوج کی ایک اور اشتعال انگیزی کو ناکام بناتے ہوئے ایک اور جاسوس کواڈ کاپٹر مار گرایا۔
سکیورٹی ذرائع کے مطابق، بھارتی فوج کا "فینٹم 4" ماڈل کا کواڈ کاپٹر پاکستانی حدود میں جاسوسی کر رہا تھا جسے پاک فوج نے بروقت کارروائی کرتے ہوئے نشانہ بنایا۔ یہ کارروائی اسی روز میں دوسری مرتبہ کی گئی جب اس سے قبل 5 آسام رجمنٹ کا کواڈ کاپٹر مناور سیکٹر، بھمبر میں بھی مار گرایا گیا تھا۔
ذرائع کا کہنا ہے کہ بھارتی کواڈ کاپٹرز کی پاکستانی فضائی حدود کی خلاف ورزی مسلسل بین الاقوامی اصولوں اور سرحدی امن کی خلاف ورزی ہے، جس کا موثر جواب دیا جاتا رہے گا۔