ماہرہ خان کا اپنے شوہر سے متعلق بڑا انکشاف

image

’سپر اسٹار‘ اداکارہ ماہرہ خان نے انکشاف کیا ہے کہ شوہر سلیم کریم انہیں کئی سال تک شادی کے لیے مناتے رہے۔

ماہرہ خان حال ہی میں عید کے موقع پر ندا یاسر کے عید مارننگ شو میں شریک ہوئیں، جہاں ان کے ہمراہ ’لو گرو‘ فلم کی کاسٹ بھی شریک ہوئی۔

پروگرام کے دوران ماہرہ خان نے بتایا کہ وہ جذبات کو نہیں چھپاتیں، وہ اظہار کرنے والی خاتون ہیں، کسی بھی بات کو زیادہ تر دیر نہیں چھپاتیں۔

ان کا کہنا تھا کہ وہ حقیقی زندگی میں بھی رومانوی شخصیت ہیں جب کہ خیالات کے اظہار کے میں بھی وہ دیر نہیں کرتیں۔

ایک سوال کے جواب میں ماہرہ خان نے انکشاف کیا کہ ان کے شوہر سلیم کریم انہیں کئی سال تک شادی کے لیے مناتے رہے۔

اداکارہ نے مسکراتے ہوئے کہا کہ شوہر انہیں کافی سال سے قائل کرتے رہے تھے لیکن انہوں نے مدت نہیں بتائی۔

ان کے مطابق ان کے شوہر سلیم کریم شرمیلے انسان ہیں، وہ کیمرا کے سامنے آنا نہیں چاہتے، اس لیے ان کے ساتھ پروگرامات اور تقریبات میں کم دکھائی دیتے ہیں۔

ماہرہ خان نے کہا کہ ایک بار شوہر ان کے ہمراہ لندن گئے تو ہر کسی نے انہیں پہچان لیا، ہر کوئی انہیں یہی کہتا رہا کہ آپ ماہرہ سلیم کریم ہو، جس کے بعد انہوں نے ان کے ساتھ تقریبات میں جانا کم کردیا۔

اداکارہ کا کہنا تھا کہ شادی کی ویڈیوز وائرل ہونے کے بعد ان کے شوہر کا چہرہ ہر کسی کو یاد ہوگیا، وہ وائرل ہوگئے۔

اس لیے اب ہر کوئی انہیں آسانی سے پہچان لیتا ہے جب کہ ان کے شوہر شرمیلے ہیں، وہ کیمرا کے عادی نہیں۔

اداکارہ نے خواہش کا اظہار کیا کہ کاش ان کے شوہر بھی ان کی طرح حقیقی زندگی میں رومانوی، جذباتی اور جلد خیالات کا اظہار کرنے والے ہوتے۔

ماہرہ خان کے مطابق شادی کے بعد ان کی یہ دوسری عید الاضحیٰ ہے، رشتہ ازدواج میں بندھنے کے بعد ان کی زندگی میں بہت زیادہ تبدیلیاں نہیں آئیں۔

خیال رہے کہ ماہرہ خان نے اکتوبر 2023 میں کاروباری شخصیت سلیم کریم سے دوسری شادی کی تھی۔

اس سے قبل ماہرہ خان نے پہلی شادی 2007 میں علی عسکری سے کی تھی، جن سے ان کے ہاں ایک بیٹے (اذلان) کی پیدائش ہوئی تھی اور شادی کے 8 سال بعد 2015 میں طلاق ہوگئی تھی۔


News Source   News Source Text

مزید خبریں
آرٹ اور انٹرٹینمنٹ
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.