پشاور ہائیکورٹ میں ممبر قومی اسمبلی عبداللطیف چترالی کی نااہلی کے خلاف دائر درخواست پر سماعت ہوئی۔
جسٹس سید ارشد علی اور جسٹس وقار احمد نے سماعت کی، عدالت نے این اے ون چترال پر ضمنی الیکشن روک کر الیکشن کمیشن کو نوٹس جاری کر دیا۔
الیکشن کمیشن نے درخواست گزار کو نااہل کیا اور اب حلقے میں ضمنی انتخابات کا شیڈول جاری کیا ہے۔ درخواست گزار نے گرفتاری دے دی ہے، ان کی سزا کے خلاف اپیل ابھی اسلام آباد ہائیکورٹ میں زیر سماعت ہے۔
پشاور ہائی کورٹ نے الیکشن کمیشن کو نٹس جاری کرتے ہوئے این اے ون چترال پر ضمنی انتخاب روکنے کا حکم دے دیا۔