خواتین بالوں کے گرنے کی وجہ سے اکثر پریشان دکھائی دیتی ہیں کیونکہ بال خوبصورتی کا معیار سمجھے جاتے ہیں لیکن یہ بات سمجھ نہیں آتی کہ اچھے آئلز اور شیمپو وغیرہ استعمال کرنے کے باوجود بھی بال گرتے رہتے ہیں اور اتنے کمزور ہو جاتے ہیں کہ جب ہیئر واش کرنے جائیں تو بالوں کا گھچا اتر جاتا ہے۔ بہرحال آج ہماری ویب آپ کو ماہر بیوٹیشنز کی جانب سے بتائی ہوئی اہم وجہ بتانے جا رہا ہے جس کو جان کر آپ بھی اپنے بالوں کی خوبصورتی کو بڑھانے کے لئے کام کرنا شروع کردیں گے۔
اہم وجہ:
٭ '' تھائیرائڈز اور ہارمونز کی خرابی اور آئرن کی کمی بالوں کے گرنے کی سب سے بڑی وجہ ہے۔''
٭ تھائیرائیڈ گلینڈ دراصل گردن کے سامنے والے حصے میں موجود ہوتا ہے جو تھائیرائیڈ ہارمون کو پیدا کرنے کا کام کرتا ہے جن پر ہماری جلد اور بالوں کا دارومدار ہوتا ہے۔
٭ اس ہارمون کی کمی کی وجہ سے بال گرتے ہیں جس کی کمی کو پورا کرنے کے لئے مختلف دوائیں اور ٹریٹمنٹس کا استعمال کیا جاتا ہے۔ مگر سب سے زیادہ مناسب ہے کہ ان چیزوں کو کھائیں اور بال گرنے سے بچائیں۔
غذائیں:
٭ ہر قسم کا گوشت کھائیں کیونکہ یہ پروٹین کو حاصل کرنے کا ایک ذریعہ ہیں۔
٭ ہرے پتوں والی سبزیاں خصوصاً پالک، مولی، ہرادھنیا اور پودینہ وغیرہ کا استعمال کریں۔
٭ مچھلی اور دالوں کو ضرور کھائیں کیونکہ ان میں آئرن کے ساتھ ساتھ معدنیات، زنک، آیوڈین اور سلینیم بھی پایا جاتا ہے جو بالوں کی صحت کے لئے بہت ضروری ہیں۔
٭ دودھ، مکھن، گھی اور پنیر کو بھی مہینے میں ایک مرتبہ ضرور استعمال کریں تاکہ مثبت فیٹ بھی جسم کو مل سکے کیونکہ تمام تر معدنیات مل کر جسم کو صحت مند اور بالوں کو مضبوط بناتی ہیں۔
نوٹ : یہ ایک عام معلومات ہے مزید معلومات کے لیے ڈاکٹر سے رجوع کریں۔