بھنڈی فائبر، وٹامنز، معدنیات، اینٹی آکسیڈنٹس اور دیگر غذائی اجزاء سے بھرپور ہوتی ہے۔ جس سے کئی بیماریوں کا علاج ممکن ہے خاص طور پر خواتین کے مسائل، ذیابطیس اور گردے کی بیماریوں کیلیئے بھنڈی بہت فائدہ مند ہے۔
لیکن آج ہماری ویب آپکو بتارہی ہے بھنڈی کھانے کے نہیں بلکہ بھنڈی کا پانی پینے کے وہ حیرت انگیز فائدے جو آپ کو پہلے شاید معلوم نہ ہوں۔
بھنڈی کا پانی کیسے بنائیں:
سب سے پہلے آپ کو 3 سے 4 عدد بھنڈی لینی ہے اور اسکو ٹکڑوں میں کاٹ لینا ہے اسکے بعد ایک گلاس پانی میں ان بھنڈٰوں کو رات بھر کیلیئے بھگو کر رکھ دینا ہے۔ اگلی صبح اس پانی کو چھان کر خالی پیٹ پی لیں، اور اگر آپ کو خالی پیٹ پینے میں مسئلہ ہے تو کھانے کے کم از کم دو گھنٹے بعد آپ اسے پی سکتے ہیں۔
بھنڈی کا پانی پینے کے فائدے:
۔ جن لوگ ذیابطیس کے مرض میں مبتلہ ہیں ان کے کیلیئے یہ بہت فائدے مند ہے کیونکہ اس میں قدرتی انسولین ہوتا ہے جس سے شگر لیول متوازن رہتی ہے، اسی لیئے آج ہی اسکا پانی پینا شروع کردیں۔
۔ جن لوگوں کا امیون سسٹم (قوتِ مدافعت) کمزور ہوتا ہے اور وہ ہر معمولی سی موسمی تبدیلی سے بیمار ہوجاتے ہیں انکے لیئے یہ پانی بہت اچھا ہے۔ یہ بچے بوڑھے جوان سب استعمال کر سکتے ہیں۔
۔ روزانہ بھنڈی کا پانی پینے سے خواتین بھی ہارمونل اِم بیلنس، پی سی او ڈی تھائرائیڈ وغیرہ جیسی بیماریوں سے بچی رہ سکتی ہیں۔
۔ بھنڈی میں اینٹی کینسر پراپرٹیز ہوتی ہیں جو آپ کو کینسر کے خطرے سے بچانے میں مددگار ثابت ہو سکتی ہیں
۔ بھنڈی کا پانی پینے سے ہڈیاں مضبوط ہوتی ہیں اور یہ جسم میں ریڈ بلڈ سیل کو بڑھا کے خون کی کمی کو پورا کرتا ہے۔
۔ اسکے علاوہ یہ بالوں کے مسائل کیلیئے بہت مفید ہے، بھنڈی کا پانی پینے اور اسے سر کی جڑوں پر لگانے سے آپ کے بال نہ صرف گرنا بند ہو جائیں گے بلکہ نرم و ملائم بھی ہوجائیں گے۔