بخار ہونا ایک عام بات ہے یہ گرمی یا سردی کسی بھی موسم میں ہو جاتا ہے لیکن آج کل کورونا کا بھی ڈر ہے تو اس میں بھی آپ کو بخار جیسی علامت ملتی ہے۔ اگر آپ میں کورونا کی تشخیص نہیں ہوئی اور آپ کو پھر بھی بخار ہے تو سمجھیں کہ آپ کو وائرل بخار ہے اور اس کے لئے کسی ڈاکٹر یا ہسپتال جانے سے بہتر ہے کہ اپنے گھر میں ہی اس کا علاج کرلیں تاکہ جراثیموں سے خود کو محفوظ رکھ
سکیں۔
عام بخار کو گھر میں کیسے کم کریں:
• زیادہ ٹھنڈے پانی کا استعمال نہ کریں۔
• ٹھنڈی پانی کی پٹیاں سر پر رکھ لیں۔
• لوکی کے ایک چھوٹے ٹکڑے کو کاٹ کر ہاتھ میں رکھ لیں تاکہ ساری گرمائش لوکی اپنے اندر جذب کرلے۔
• لیموں پانی پی لیں تاکہ منہ کا ذائقہ صحیح رہے۔
• شہد اور کالی مرچ پائوڈر کا استعمال کرلیں۔
کووِڈ 19 کے دوران بخار ہو جائے تو کیا کریں ؟
• ماہرین کے مطابق 99 درجہ حرارت پر دوا لینے سے گریز کریں اور اگر درجہ حرارت بڑھ کر 100 تک چلا جاتا ہے اور بخار کے ساتھ اور بھی علامات ہیں تو فوراً اپنے ڈاکٹر سے رابطہ کریں ۔
• اپنا درجہ حرارت بار بار چیک کرتے رہیں ، اگر سانس لینے میں دشواری ہونا، پٹھوں میں درد اُٹھنا ، چکھنے اور سونگھنے کی صلاحیت کا ختم ہو جانا، ان علامات کا ظاہر ہونا کووڈ 19 ہو سکتا ہے ۔
کووڈ 19 کے دوران گھر میں بخار کو کیسے کم کریں؟
• بخار میں سب سے پہلے پر سکون رہیں اور پریشان ہونے سے بچیں ، بخار کم اور ختم کرنے کے لیے عام بخار والے نسخوں کو اپنائیں۔
• زیادہ سے زیادہ مقدار میں مائع غذاؤں کا استعمال کریں جوس ،پانی ، پھلوں کا رس، سبزیوں، دالوں ، کا سوپ ، یخنی وغیرہ کا استعمال مفید ثابت ہوگا ۔
• طبی ماہرین آرام اور زیادہ نیند لینے پر زور دے رہے ہیں ، خود کو پریشانی سے بچائیں اور زیادہ سے زیادہ نیند لیں اور آرام کریں اس سے صحت جلد بہتر ہوتی ہے ۔
• خود کو گرمی سے بچائیں اور ٹھنڈی جگہ پر رہیں ، اس سے بخار میں کمی آئے گی ، اگر بخار اور ٹھنڈ سے کپکپاہٹ طاری ہو جائے تو ایسی صورت میں نیم گرم پانی سے نہائیں اور پانی پئیں۔