صحت سے بڑھ کر کچھ بھی نہیں ہوتا ہے اور جہاں تک خواتین کی بات کی جائے ان کو شادی سے قبل بھی اپنی صحت کا خیال رکھنا پڑتا ہے کہ کہیں ان کو ماہواری پیچیدگیوں کا سامنا نہ کرنا پڑے اور شادی کے بعد حمل سے متعلق دیگر جسمانی کمزوریوں سے بچنے کے لئے اپنا خیال رکھنا بہت ضروری ہے۔ آج وومن کارنر میں جانیئے کیسے چھوہارے خواتین کی بڑی مشکلیں آسان کر سکتے ہیں۔
ٹپس:
٭ رات کے وقت دو چھوہاروں کو ایک کپ دودھ میں ڈال کر 20 منٹ پکائیں، جوں ہی دودھ کا رنگ گلابی ہونے لگے اس کو نیم ٹھنڈا کرکے پی لیں۔
٭ چھوہارے کو پانی میں بھگو کر رکھیں اور صبح اٹھ کر اس پانی کو پی لیں۔
٭ ایک کپ دہی میں چھوہاروں کو پیس کر ڈالیں اور اچھی طرح مکس کرکے کھائیں۔
٭ چھوہاروں کو سرکے میں ڈال کر 15 منٹ کے لئے چھوڑ دیں، اور چھوہاروں کو چبا کر کھالیں، سرکہ استعمال نہ کریں۔
فائدے:
٭ چھوہاروں کے اس طرح استعمال سے آپ کے ماہواری میں درد اور تکلیف نہیں ہوگی۔
٭ نظامِ تولید مضبوط ہو جائے گا اور مختلف انفیکشنز سے بچ جائیں گی۔
٭ دورانِ حمل سرکہ میں ڈبو کر نہ کھائیں، بلکہ دودھ میں ڈال کر پیئیں اس سے بچہ صحت مند بھی ہوگا اور بچے کے جسم میں کسی چیز کی کمی نہیں ہوگی۔
٭ جسم میں ہونے والے اندرونی دانوں سے نجات مل جائے گی۔
٭ اولیوز اور اووری کی رگیں نہیں سکڑیں گی، دورانِ خون بہتر رہے گا۔