مزیدار غذائیں کھانے کے لئے مضبوط دانت بھی ہونے چاہئیں۔۔ لیکن جب دانتوں میں درد ہو تو ہر وقت بے چینی رہتی ہے۔ کبھی ٹھنڈا گرم، تو کبھی مسوڑوں میں درد یا پھر زیادہ میٹھا کھانے سے دانتوں میں کیڑا لگنے کی شکایت ہونے لگتی ہے۔
آج بیوٹی کارنر سے گھر بیٹھے دانتوں کی تکلیف میں کمی لائیں وہ بھی بناء کسی مضر اثرات کے۔۔۔
1: دانتوں کے درد کے لئے نسخہ:
دانتوں میں درد کے لئے آپ ایک چمچ سرسوں کا تیل لیجئے اس میں پھٹکری (Alum) اور لونگ کا پاؤڈر اچھی طرح ملائیے اور دانتوں میں جس جگہ آپ کو درد ہے وہاں لگاکر چھوڑ دیجیئے۔۔۔ اس کو لگانے کے بعد منہ سے جو تھوک یا رطوبت نکلے اس کو پھینک دیجئیے۔۔۔
اس عمل سے آپ کو دانت کے درد میں فائدہ ہوگا۔۔
2: دانتوں میں کیڑا لگ جائے
اگر دانتوں میں کیڑا لگنے کی شکایت ہے تو روزانہ رات کے وقت پانچ چائے کے چمچ سرسوں کے تیل میں ہم وزن پھٹکری (Alum) کا پاؤڈر اچھی طرح ملائیے اور دانتوں میں جس جگہ کیڑا لگ گیا ہے وہاں روئی کی مدد سے لگا
لیجئے اور ایک گھنٹے تک چھوڑ دیجیئے۔ اس کو بھی لگانے کے بعد منہ سے جو تھوک یا رطوبت نکلے اس کو پھینکتے رہیے ۔۔۔
مندرجہ بالا دونوں نسخوں کو استعمال کرنے سے آپ کے دانتوں کی تکلیف بھی کم ہوگی اور وہ مضبوط بھی ہوجائیں گے۔۔۔
دانتوں کے معاملے میں احتیاط برتیں کیونکہ باقاعدگی سے اگر دانتوں کو صاف نہ کیا جائے ان کا خیال نہ رکھا جائے تو مختلف دماغی بیماریاں بھی ہوسکتی ہیں