روزے میں اکثر لوگوں کو خالی پیٹ ہونے کی وجہ سے گیس کی شکایت ہو جاتی ہے۔ اور وہ پورا دن بے چین رہتے ہیں۔ جانیں کیسے آپ بھی اپنی گیس اور پیٹ کی دوسری تکلیفوں پر قابو پاسکتے ہیں۔
٭ رمضان میں پانی کم پینے سے آنتوں میں خشکی ہو جاتی ہے جس سے قبض ہوجاتی ہے۔ اس لیے ضروری ہے کہ آپ افطار سے سے لے کر سحری کے درمیان کم از کم آٹھ گلاس پانی پئیں۔
٭ ریشے دار غذاؤں کا استعمال کریں یعنی بھوسی والا آٹا، جو کا دلیہ، کیلا، سیب وغیرہ قبض ختم کرنے کے لیے مفید ہیں۔
٭ افطار و سحر میں کھجور کھانا بھی قبض میں مفید ہے۔
٭ سحری میں ایک چمچ دہی ضرور کھائیں۔ دودھ کا استعمال کریں یہ آپ کو بد ہضمی سے بچائے گا۔
٭ کافی اور کولا ڈرنک کا استعمال سحر و افطار میں کم از کم کریں یہ بد ہضمی کرتے ہیں۔
٭ معدے میں تیزابیت ہوجاتی ہے تو گائے اور بھینس کا گوشت، کلیجی ، مکھن ، بیکری آئٹم اور میدے سے بنی اشیاء سے پرہیز کریں۔ کھانے کے فوراَ بعد نہ سوئیں اور نہ ہی بہت زیادہ مشقت کا کام کریں ۔
٭ گیس کی شکایت میں سحر و افطار میں چائے کی جگہ گرین ٹی کا استعمال مفید ہے۔
نوٹ : یہ ایک عام معلومات ہے مزید معلومات کے لیے ڈاکٹر سے رجوع کریں۔