اکثر خواتین اس بات سے پریشان رہتی ہیں کہ ان کے بال بہت جھڑ رہے ہیں اور جب بھی یہ بالوں میں کنگھا کرتی ہیں تو ڈھیروں بال اُتر جاتے ہیں اور پھر وہ شیمپو بدل لیتی ہیں، لیکن کیا آپ نے کبھی سوچا ہے کہ کیا واقعی اس کی وجہ صرف غلط شیمپو کا استعمال ہے یا پھر کوئی اور مسئلہ؟
آج ہم آپ کو بتائیں گے کہ بالوں کے گرنے کے پیچھے اور بھی کیا کیا وجوہات ہو سکتی ہیں، تو چلیں پھر جان لیتے ہیں۔
بالوں کے گرنے کی مختلف وجوہات
• آپ نے کبھی سوچا بھی نہیں ہوگا مگر آپ کے بالوں کے گرنے کی ایک وجہ نل کا پانی بھی ہو سکتا ہے، کیونکہ اس میں پیتل موجود ہوتا ہے، ماہرین کا کہنا ہے کہ نل کے پانی میں شدہ پیتل کی ایک بڑی مقدار شامل ہو جاتی ہے، جو بالوں کو بری طرح متاثر کرتا ہے اور ان کی صحت کو برباد کر دیتی ہے۔
• بالوں کے گرنے کی ایک اور وجہ ہارمونز کی تبدیلی بھی ہو سکتی ہے، ایسے میں ڈاکٹر سے رجوع کریں۔
• خواتین کے بال جھڑنے کی وجوہات میں ایک وجہ پی سی او ایس بھی ہے جو ان کو اندر ہی اندر کمزور کرتی ہے اور بہت زیادہ بال جھڑنے لگتے ہیں۔
• ذہنی دباؤ بھی بال گرنے کی وجہ بن سکتا ہے اگر خواتین کسی بات کی ٹینشن میں ہیں اور بہت سوچ رہی ہیں تو اس سے بھی ان کے بال متاثر ہوتے ہیں۔
• زیادہ نزلہ اور فنگل انفیکشن کی وجہ سے بھی بالوں کی صحت متاثر ہوتی ہے۔
• اگر آپ کے بال سفید ہیں اور آپ مختلف کیمیکل والے ہئیر کلر استعمال کرتی تو یہ بھی بال گرنے کی اہم وجہ ہو سکتی ہے۔