اکثر پیٹ میں بھاری پن اور پیٹ پھولے ہونے کا احساس ہوتا ہے، جس کی وجہ سے نہ کچھ کھایا جارہا ہوتا ہے اور نہ سکون مل رہا ہوتا ہے۔ ایسا لگتا ہے جیسے بہت کھالیا ہو یا تھوڑا سا کھانے پر متلی جیسا ہوتا ہے اور بار بار کھانا اوپر آتا ہے، جو انسان کو بے چین رکھتا ہے۔

اصل مسئلہ تب ہوتا ہے جب آپ سفر میں ہوں، دعوت میں جارہے ہوں، یا پھر کام وغیرہ پر۔ ایسے میں پورا دن خراب گزرتا ہے۔ اگر آپ کو بھی پیٹ پھولنے اور بھاری پن کا مسئلہ ہے تو، اس ریمیڈی کو لازمی آزمائیں۔

اجزاء اور طریقہ کار:

۔ زیرہ 2 کھانے کے چمچ

۔ دھنیا کے بیج 2 کھانے کے چمچ

۔ ہلدی پاؤڈر ½ چمچ

۔ سونف کے بیج 2 چمچ

۔ 1 چائے کا چمچ ادرک کا پاؤڈر

۔ چٹکی بھر پسی ہوئی الائچی

۔ سمندری نمک ½ چائے کا چمچ

۔ کالی مرچ ½ چائے کا چمچ

ان تمام چیزوں کو بلینڈر میں ڈال کر اچھی طرح بلینڈ کریں اور خالی کیپسول (جو بازار سے با آسانی مل جاتی ہے) میں منتقل کریں، یا 2 کپ گرم پانی میں اس پاؤڈڑ کو ڈال کر چائے کے طور پر اسے پیئیں۔

کیپسول کا آپشن ان لوگوں کیلیئے ہے جو باہر آتے جاتے ہیں، وہ ان کیپسولز کو اپنے پرس میں رکھ سکتے ہیں

اس ریمیڈی سے پیٹ کا بھاری پن اور پیٹ پھولنے کا احساس ختم ہوجائے گا، اور آپ آرام سے کھا پی سکیں گے۔