آج کل بچوں کے نخرے اتنے ہوگئے ہیں کہ ہر چیز پر منہ بناتے ہیں ایسے میں وہ کمزوری کا شکار ہوجاتے ہیں۔ اب چونکہ رمضان آگئے ہیں تو صحت کے معاملے میں بچے اور بڑے دونوں ہی لا پرواہ ہوجاتے ہیں اور پھر اعصابی کمزوری کی وجہ سے کوئی کام صحیح سے نہیں کر پاتے۔
اسلیئے آج ہم آپ کو صحت اور غذائیت سے بھرپور کھجور کی روٹی بنانے کا طریقہ بتائیں گے، جو آپ سحری میں سادی روٹی کی جگہ بنا کر کھائیں اور کمزوری کو بھول جائیں
اجزاء:
آٹا دیڑھ کپ
کھجوریں 11 عدد
دودھ 1 کپ
شہد 3 چمچ
الائچی پاؤڈر ½ چمچ
ترکیب:
۔ سب سے پہلے کھجور کے بیج نکال کر اسے دودھ کے ساتھ مکسر میں بلینڈ کر کے پیسٹ بنالیں
۔ اب ایک پیالے میں آٹا ڈال کر اس میں الائچی پاؤڈر اور شہد شامل کرکے مکس کریں، پھر اسے کھجور کے پیسٹ کے ساتھ گوندھ لیں
۔ گوندھنے کے بعد 10 منٹ کیلیئے رکھ دیں، پھر اس کی روٹی بنائیں
۔ مزیدار کھجور کی روٹی تیار ہے، سحری میں خود بھی کھائیں اور بچوں کو بھی کھلائیں۔ یہ جسم میں جان اور پھرتی پیدا کرنے کے ساتھ طاقت بھی بخشتی ہے۔