کرن تعبیر کا شمار پاکستان کی سلور اسکرین کی ایسی اداکاراؤں میں ہوتا ہے جن کی وجہ شہرت ان کا ایک ڈرامہ بنا اور یہ ڈرامہ بھی اپنے نشر ہونے کے کئی سالوں کے بعد ایک سوشل میڈيا کی پوسٹ کے سبب اچانک لوگوں میں وائرل ہو گیا اور اس کے بعد سب لوگ ہی کرن تعبیر کو ان کے اصل نام کے بجاۓ جڑواں میں ان کے کردار فضا اور شزا کے نام سے ہی پہچانتے ہیں
شادی کے 12 سال بعد اولاد کی نعمت کی خوشی :
گزشتہ دنوں کرن تعبیر نے اپنے سوشل میڈيا اکاونٹ سے ایک پوسٹ شئير کی جس میں انہوں نے سب کو بتایا کہ اللہ نے ان کو شادی کے 12 سال بعد اولاد کی نعمت سے نوازہ ہے اور ان کے گھر بیٹی ہوئی ہے
اپنی اس پوسٹ میں ان کا کہنا تھا کہ خوش قسمت ہوتے ہیں وہ لوگ جن کی پہلی اولاد بیٹی ہوتی ہے ، اور میں ان میں سے ایک ہوں ، الحمد للہ بارہ سال بعد اللہ نے ہمیں اپنی رحمت سے نوازہ
سوشل میڈیا پر کرن تعبیر وائرل:
خوشی کی اس خبر کے بعد ایک بار پھر سے کرن تعبیر وائرل ہو گئيں اور لوگوں نے کھلے دل سے بارہ سالوں کی طویل ناامیدی کے بعد گود بھرنےکی خوشی میں نہ صرف مبارکباد دی بلکہ لوگوں نے ان کی پوسٹ شئير بھی کی جس کی وجہ سے وہ ایک بار خبروں میں نظر آنے لگیں
یاد رہے اس سے قبل کرن تعبیر سوشل میڈیا پر جڑواں کے کلپ کے وائرل ہونے کےبعد بھی نظروں میں آئي تھیں مگر اس کے بعد سے خاموشی کے پردے میں چھپ گئی تھیں مگر اس خبر نے انہیں ایک بار پھر خبروں کی زینت بنا دیا
مگر جس طرح سے دنیا میں ہر طرح کے لوگ موجود ہوتے ہیں اسی طرح سے کچھ لوگ ایسے بھی ہوتے ہیں جن کو ہر بات پر تنقید کرنے کی عادت ہوتی ہے تو سیکڑوں مبارکباد دینے والے لوگوں میں سے کچھ لوگ ایسے بھی تھے جن کو یہ محسوس ہوا کہ کرن تعبیر کی یہ بیٹی سروگیسی کے طریقہ کار کی مدد سے پیدا کی گئی ہے
یاد رہے بھارتی اداکارہ پریانکا چوپڑہ کی بیٹی بھی سروگیسی سے ہی پیدا کی گئی ہے جس میں کسی اور عورت کے رحم کو مستعار لے کر بچے کو اس کی کوکھ میں پالا جاتا ہے اور ڈلیوری کے بعد اس بچے کو اس کے حقیقی والدین واپس لے لیتے ہیں ۔
تاہم اس کمنٹ کے جواب میں کرن تعبیر کا یہ کہنا تھا کہ الحمد للہ یہ میری اپنی بیٹی ہے جس کو میں نے خود ڈلیور کیا ہے اور یہ سروگیٹ بچی نہیں ہے
جس کے جواب میں اس صارف نے معزرت کرتے ہوۓ یہ کہا کہ کچھ دن قبل جب انہوں نے کرن تعبیر کی تصویر دیکھی تھی تو وہ حاملہ محسوس نہیں ہوئی تھیں اس وجہ سےاس کو محسوس ہوا کہ شائد یہ بچی سروگیسی طریقہ کار سے پیدا کی گئی ہے ۔
یاد رکھیں ! سوشل میڈيا نے آپ کو اپنی بات کرنے کی طاقت دی ہے مگر کسی پر تبصرہ کرنے سے قبل یہ ضرور سوچ لیا کریں کہ آپ کی بات کسی کا دل دکھانےکا سبب تو نہیں بن رہی ہے