آپ نے راستوں میں انٹر نیٹ پر جگہ جگہ یہ اشتہار دیکھے ہونگے جن پر لکھا ہوتا ہے لیکوریا کا جڑ سے خاتمہ، خواتین کے پوشیدہ امراض، نسوانی امراض کا علاج وغیرہ وغیرہ۔ لیکن کیا آپ جانتی ہیں کہ آخر لیکوریا ہے کیا؟ اور اس کے بارے میں بات کرنا اتنا مشکل کیوں ہے؟
آئیے آپ کو بتاتے ہیں کہ ڈاکٹرز اس بارے میں کیا کہتی ہیں
ڈاکٹر نابیہ طارق ( گائناکالوجسٹ) بتاتی ہیں کہ، لیکوریا بنیادی طور پر خواتین کی نسوانی صحت سے جڑا ہوتا ہے، یہ نارمل ہوتا ہے جسے فزیولوجیکل ڈسچارج کہتے ہیں لیکن جب اس میں انفیکشن یا کوئی مسئلہ آجائے تو یہ ابنارمل ہوجاتا ہے۔ زیادہ تر یہ ماہواری سے پہلے اور بعد میں کچھ دن ہوتا ہے۔
سننے میں تو یہ ایک معمولی بات لگتی ہے لیکن پھر خواتین اسکی فکر کیوں کرتی ہے؟
جب تک یہ نارمل حالت میں صاف رنگ کا رہے تب تک مسئلے کی کوئی بات نہیں ہے لیکن، جب یہ اپنا رنگ تبدیل کرئے، یا اس میں اسمِیل آنے لگے، یا خارش محسوس ہو یا پھر کپڑے ضرورت سے زیادہ خراب ہونے لگیں اس وقت ڈاکٹر کو دکھا کر علاج کروانا لازمی ہے۔
آئیے آپ کو بی بی سی کی یہ خصوصی رپورٹ دکھاتے ہیں جس میں لیکوریا کے بارے میں تفصیل سے بات کی گئی ہے تا کہ آپ کی رہنمائی ہو اور آپ کو پتہ چلے کہ کب اسے سنجیدگی سے لینا ہے۔