کسی بھی عورت کے لیے زندگی کی سب سے بڑی خوشی ماں بننا ہوتی ہے کیونکہ ہر عورت کے اندر فطری طور پر ماں کے جذبات چھپے ہوتے ہیں جو ایک خاص وقت میں ابھر آتے ہیں اور پھر اولاد کو پا کر زندگی بھر کی خوشیاں ایک لمحے میں سمٹ جاتی ہیں۔ مگر ایک ایسی خاتون بھی ہے جس کی شادی سے قبل آرمی کی ٹریننگ کے دوران پیلوک ہڈی میں فریکچر ہونے سے پیچیدگیاں بڑھ گئیں اور جانچ پڑتال کے بعد معلوم ہوا کہ اب وہ کبھی ماں نہیں بن سکتیں یہ ان کے لیے ایک بہت بڑا صدمہ تھا مگر اس اثناء میں بھی انہوں نے آرمی آفیسر بننے کے خواب کو جاری رکھا جو پورا تو نہ ہو سکا البتہ ان کی شادی ایک قدردان آرمی آفیسر سے ہوگئی۔
بھارتی لڑکی جو شروع سے ہی آرمی کا یونیفارم پہننے کی خواہش مند تھی جس کے لیے اس نے زندگی بھر محنت کی اور آگے بڑھنے کا عزم کیا، اس کے والدین نے ہر حال میں اس کی مدد کی، اس کو اس مقام تک پہنچایا کہ وہ آگے بڑھ کر ملک کی خدمت میں اپنا حصہ ڈال سکے، لیکن ٹریننگ کے دوران زخمی ہونے کی وجہ سے اس کو کورس سے نکال دیا گیا مگر پھر بھی گیتا کے حوصلے پست نہ ہوئے اس نے محنت کی اور آگے بڑھنے کی کوشش کی اور اسی فیلڈ سے متعلقہ کورسز کرکے آن لائن کام شروع کردیا۔ ا سکی اندرونی حالت جانتے ہوئے بھی ایک ہونہار آرمی افسر نے اس سے شادی کرلی، یوں گیتا کا آرمی کا یونیفارم پہننے کا خواب پورا ہوگیا۔